የሊቢያ መንግሥት በአገሪቱ የተከሰተውን ችግር በሰላም ለመፍታት ከመጣር ይልቅ ኃይል መጠቀሙን ያወገዘው በኢትዮጵያ፣ በአፍሪካ ኀብረትና በተባበሩት መንግሥታት የአፍሪካ ኢኮኖሚ ኮሚሽን ቋሚ ተጠሪ የሆነው ኤምባሲው፣ በሊቢያ በተፈጠረው ግጭት ሰለባ ለሆኑት ዜጎች ቤተሰቦች ሐዘኑን መግለጹን በኢትዮጵያ ለሚገኙ አንዳንድ የሚዲያ ተቋማት በላከው መግለጫ አስታውቋል፡፡
በሊቢያ የተከሰተውን ግጭትና በሰላማዊ ሠልፈኞች ላይ እየደረሰ ያለውን አደጋና ሒደቱን በትኩረት እንደሚከታተል ያመለከተው ኤምባሲው፣ በአገሪቱ የተከሰተውን ችግር ከጅምሩ በሰላምና በድርድር እንዲፈታ ባለመደረጉ ተቃውሞውን ገልጿል፡፡