በኦሮሚያ ብሔራዊ ክልላዊ መንግሥት ባሉ የከተማ፣ የዞንና የወረዳ ፍርድ ቤቶች ሲሠሩ የነበሩ 8 ዳኞችና 3 የሕግ ኦፊሰሮች በፈጸሙት የሥነ ምግባር ግድፈት ከኃላፊነታቸው ማሰናበቱን አስታወቀ፡፡

በኢንስፔክሽን ዲፓርትመንት ተመርምሮና በዳኞች አስተዳደር ጉባኤ ተረጋግጦ የቀረበለት የኦሮሚያ ምክር ቤት ከሥራቸውና ከሙያቸው እንዲሰናበቱ ሲል ሚያዝያ 2 ቀን 2003 ዓ.ም. ውሳኔ አስተላልፏል፡፡ ምክር ቤቱ ከሥራቸው ያሰናበታቸው ዳኞች ሁለቱ የከፍተኛ ፍርድ ቤት ዳኞች፣ ስድስቱ የወረዳ ፍርድ ቤቶች ዳኞችና ሦስቱ የሕግ ኦፊሰሮች ናቸው፡፡ ከዞን ፍርድ ቤት አቶ ከማል አማንና አቶ አብዱል ባሲጥ ሲሆኑ፣ ከወረዳ ፍርድ ቤቶች አቶ ጌታነህ አለሙ፣ አቶ አለማየሁ ዋሚ፣ አቶ ሙዲ ኑሬ፣ አቶ ጫላ ዑመር፣ አቶ አዲሱ ገመዳና አቶ ዘካሪያ አብዶ ናቸው፡